Bugun, 13-oktabr kuni Andijon davlat universitetining kichik majlislar zalida Oʻzbekiston Yozuvchilar uyushmasi aʼzosi, “Doʻstlik” ordeni sohibi, ustoz adib Farid Usmon bilan ijodiy uchrashuv va “Xonlar tarixi”, “Iblisning qaytishi”, “Tunda chopgan oq tulpor”,“ Bobur saltanat”nomli yangi kitoblarining taqdimoti oʻtkazildi.

Ushbu taqdimotda universitetimiz Yoshlar masalalari va ma'naviy-ma'rifiy ishlar bo'yicha prorektor, Adabiyotshunos olimlar, Oʻzbekiston Yozuvchilar uyushmasi viloyat boʻlimi vakillari, filologiya fakulteti professor-o'qituvchilari va talabalari ishtirok etdi.

Anjumanda Andijon davlat universiteti birinchi prorektori A.Hamraqulov, Oʻzbekiston Yozuvchilar uyushmasi viloyat boʻlimi rahbari, shoira Xurshida Vahobjon qizi, filologiya fanlari doktori, professor Bahodir Rahmonov, shoir-yozuvchilar Durbek Qoʻldosh, Sadoqat Neʼmatova, Nusrat Abdusalom va boshqalar soʻz olib Farid Usmon hayoti va ijodi yuzasidan fikrlarini bildirdi.

Adabiyotshunos olimlar bilan bo‘ladigan bu kabi uchrashuvlar yoshlarda adabiyotga, sheʼriyatga bo‘lgan qiziqishlarini yanada orttirishga xizmat qiladi.