Joriy yilning 12-oktabr kuni Andijon davlat universitetining 4-maʼruzalar zalida FVV Andijon viloyati boshqarmasi tomonidan oʻquv seminar tadbiri tashkil etildi.

Tadbirda Andijon viloyati favqulodda vaziyatlar boshqarmasi boʻlimi boshligʻi oʻrinbosari kapitan Azizbek Yarqulov, katta leytenantlar Aʼzamjon Mamatov, Mansurbek Tilavoldiyevlar va Andijon davlat universitetining mehnatni muhofaza qilish boʻlimi boshligʻi Shuhratbek Qoʻzibekov hamda 110 nafardan ortiq talabalar ishtirok etdi.

Tadbirda mutaxassislar tomonidan kuz-qish mavsumiga tayyorgarlik uni betalofat oʻtkazish, is gazidan zaharlanish holatlari va chaqnash hodisalarining oldini olish, nosoz, qoʻlbola ochiq spiralli isitish moslamalaridan va yashash xonadonlarda noqonuniy va nosoz tabiiy gaz soʻrgʻich moslamalaridan umuman foydalanmaslik, aks xolda ular qanday salbiy oqibatlarga olib kelishi boʻyicha kerakli tavsiyalar, maslahatlar berib oʻtildi.

Universitetimiz talabalari tadbir soʻnggida oʻzlarini qiziqtirgan savollariga soha mutaxassislari tomonidan yetarlicha javob oldilar. Ushbu tadbir yigʻilganlarga kerakli va muhim bilimlarni berganligi bilan ham ahamiyatli hamda qiziqarli boʻldi.