Azal-azaldan xalqimiz yoshi ulug‘ nuroniylarni eʼzozlab ularga katta ehtirom ila hurmat ko‘rsatib kelingan. Ayniqsa, tabarruk insonlarning holidan xabar olish ularning og‘irini yengil  qilish va nasihatlari-yu duolarini olish xalqimizga xos fazilatdir.

Bugun, 11-oktyabr kuni "Keksalar haftaligi" doirasida Andijon davlat universitetining Fizika-matematika fakulteti tyutorlari, Yoshlar ittifoqi jamoasi va ilg'or talaba yigit-qizlari keksalar uyiga tashrif buyurdilar.

Iqtidorli talaba-yoshlar tomonidan tayyorlangan badiiy chiqishlar hamda kuy-qo'shiqlar nuroniylarni shod etdi.

O'z o'rnida otaxon-u onaxonlar ham yoshlarga boshidan o'tganlari va hayotiy tavsiyalarini berib o'tdilar. Bu kabi tashriflar zamon yoshlari uchun ibrat bo'lishi hamda kelgusida hech kimning bu kabi sahovat uylariga ehtiyoji bo'lmasligiga umid bildirdilar.