O'zbekiston Respublikasi Vazirlar Mahkamasining 2019-yil 27-sentyabrdagi 816-sonli qaroriga asosan, oktyabr oyining birinchi haftasi "Keksalar haftaligi" etib belgilangan edi.

Shu munosabat bilan 7-oktyabr kuni Andijon davlat universiteti tabiiy fanlar fakulteti ekologiya va atrof-muhit muhofazasi yo'nalishi tyutori Muhayyo Tojiboyeva boshchiligida hamda "Ecostudy" volontyorlik jamoasi bilan birgalikda "Saxovat" keksalar uyiga tashrif uyushtirildi.

Ushbu tashrif mobaynida talabalar tomonidan tadbir uyushtirilib, ajoyib she'rlar, koʻngilochar raqslar hamda sahna koʻrinishlari namoyish etildi.

"Saxovat" keksalari bu tashrifdan mamnun bo'lganligi, ko'rsatilayotgan e'tibor va g'amxo'rlikdan minnatdor ekanligini izhor etib, talaba-yoshlarga o'z tavsiya va maslahatlarini berib o'tdilar.