Xabaringiz bor, respublikamizda "Universiada-2022" sport musobaqalarining hududiy bosqichlari o'tkazilmoqda.

Andijon viloyatida sportning basketbol turi bo'yicha hududiy bosqich yakunlandi. Ushbu bosqichda viloyatimizdagi davlat oliy ta'lim muassasalaridan jami 8 ta jamoa ishtirok etdi.

Mazkur musobaqada Andijon davlat universitetining talaba-yoshlari jamoasi barcha raqiblarni munosib yengib, faxrli 1-o'rinni qo'lga kiritdi.

Bugun, 7-oktabr kuni g'olib bo'lgan yoshlar jamoasini Andijon davlat universiteti Yoshlar masalalari va ma'naviy-ma'rifiy ishlar bo'yicha prorektor A'zamjon Hamraqulov rahbariyat nomidan qutlab, har bir talabani ikki million so'mdan pul mukofoti bilan taqdirladi.

Jamoaning kelgusi musobaqalaridagi faoliyatlariga zafarlar tilab qolamiz!