Joriy yilning 28-sentyabr kuni Andijon davlat universitetiga Britaniya imperiyasi medali sohibi, liberal-demokratlar kengashi aʼzosi, yashil liberal-demokratlar partiyasi vitse-prezidenti, liberal-demokratlar biznes tarmogʻi boshqaruvi aʼzosi, professor Kishan Devalli tashrif buyurdi.

Universitet rektori bilan uchrashuv davomida Professor Kishan Devalli xalqaro hamkorlikning rivoji uchun o’zining takliflarini bildirdi. Rektorimiz fan va ta’lim sohasida O’zbekiston va Buyuk Britaniya o’rtasida o’zaro hamkorlikni rivojlantirish muhim ekanligini ta'kidladi.

Kunning ikkinchi yarmida mehmon universitetda “1-oktyabr – Ustoz va murabbiylar kuni”ga bag'ishlangan "Mehnati elda aziz ustozim" deb nomlangan ma'naviy-ma'rifiy tadbirda ham qatnashib, universitetning professor-o'qituvchilarini bayram bilan samimiy tabrikladi. Tadbir davomida janob Kishan Devalliga universitet Kengashi tomonidan Faxriy Professorlik unvoni rektori Akramjon Yuldashev tantanali topshirdi.

Mehmonimiz kelgusida xorijiy professor-o’qituvchilar va xorijiy talabalarni Andijon davlat universitetiga faol jalb etishda amaliy yordam ko’rsatishini ma’lum qildi.