27-sentabr kuni Andijon davlat universitetida O'zbekiston Respublikasi Adliya vazirligining Intellektual mulk agentligi vakillari tomonidan “Ixtiro va foydali modelga talabnoma tayyorlash, ish yuritish va ekspertiza jarayoni, Mualliflik huquqi ob’yektlarini deponentlash” mavzusida seminar o'tkazildi.

Seminarda Andijon davlat universitetining professor-o’qituvchilari, doktorantlar hamda stajyor tadqiqotchilar ishtirok etdi.

Seminarda Adliya vazirligi Intellektual mulk agentligining vakillari Raxmonov Sunnatulla va Abduqodirov Ikromjonlar ma'ruza bilan ishtirok etdilar.

Taqdimot yakunida seminar qatnashchilari o'zlarining intellektual mulk sohasiga oid savollariga javoblar olishdi. Tadbir yakunida taqdimotda olingan bilimlarni mustahkamlash uchun barcha ishtirokchilarga intellektual mulk to'g'risidagi axborotlarni o'z ichiga olgan buklet va materiallar topshirildi.