Andijon davlat universiteti xotin-qizlar masalalari boʻyicha maslahat kengashi tashabbusi bilan 22-sentyabr kuni Jalaquduq tumanida joylashgan 4-sonli talabalar turar joyida yashovchi talaba-qizlar oʻrtasida sogʻlom maʼnaviy-maʼrifiy muhitni barqarorlashtirish va ularni kiyinish madaniyatiga rioya qilishlarini tartibga solish maqsadida “Milliy va zamonaviy liboslar namoyishi” hamda ularning darsdan boʻsh vaqtlarini mazmunli tashkil etish boʻyicha 5 ta muhim tashabbus doirasida shashka musobaqasi oʻtkazildi.

Tadbirni yoshlar masalalari va maʼnaviy-maʼrifiy ishlar boʻyicha birinchi prorektor A.Sh.Hamraqulov kirish soʻzi bilan ochib berdi. Shundan soʻng, talaba-qizlarning kundalik oʻqish va ish, toʻy-tantana yoki bazm kechalariga kiyishlari uchun tavsiya sifatidagi liboslar toʻplami namoyish etildi.

Bundan tashqari, TTJda yashovchi talaba-qizlar oʻrtasida oʻtkazilgan shashka musobaqasi barchada birdek koʻtarinki kayfiyat uygʻotdi.

Musobaqa gʻoliblari diplom va esdalik sovgʻalari bilan taqdirlandilar. Tadbir yakunida talaba-qizlar uchun musiqiy koʻngilochar dam olish dasturi ham tashkil etildi.