Joriy yilning 23-sentyabr kuni Andijon davlat universitetida "El-yurt umidi" ochiq stipendiyalar tanlovining yoshlar orasida keng targ'ib qilishga qaratilgan targ'ibot tadbiri bo'lib o'tdi.

Ushbu seminar tarzida tashkil etilgan tadbirda ilmiy ishlar va innovatsiyalar bo'yicha prorektor Iqboljon Karimjonov, kafedra a'zolari, doktorantlar, magistr hamda talaba-yoshlardan iborat 100 ga yaqin ishtirokchi qatnashdi.

Yig'ilganlarga jamg'arma tomonidan tashkil etilgan ushbu tanlovning mohiyati, imtiyozlari, kerakli hujjatlar hamda qatnashish tartibi borasida batafsil ma'lumotlar berib o'tildi.

Taqdimot qizgʻin savol-javoblar va muhokamalarga boy tarzda oʻtkazilib, universitetimiz doktorantlari, magistrlar hamda talaba-yoshlar oʻzlarini qiziqtirgan savollariga tegishli javoblarni mutaxassislardan oldilar.