Bugun, 21-avgust kuni Xorijiy va nodavlat oliy taʼlim muassasalaridan Andijon davlat universitetiga alohida iqtidor talab etiladigan taʼlim yoʻnalishlariga oʻqishni koʻchiruvchi talabgorlar uchun kasbiy (ijodiy) imtihonlar boʻlib oʻtmoqda.

Bugungi imtihon jarayonlari ikki smenada: ertalabki 8:00 dan 19:00 gacha oʻtkaziladi va ushbu jarayonda 8 ta taʼlim yoʻnalishi boʻyicha jami 434 nafar talabgorlar imtihon topshirishi belgilangan.

 Oʻtkazilayotgan ijodiy imtihonlarni yanada shaffof, ochiq va adolatli oʻtkazishda vazirlikning masʼul xodimlari nazorat qilib bormoqdalar.

Imtihonlarni adolatli oʻtishini taʼminlash maqsadida universitetimizning imtihon oʻtkaziladigan hududlari 24 soat kuzatuv kameralari bilan jihozlangan. Talabgorlarning ota-onalari va barcha qiziquvchilar live.adu.uz platformasi orqali imtihonlarni jonli efirda kuzatib borishlari mumkin.

Imtihonlarga malakali tibbiy xodimlar, milliy gvardiya hamda ichki ishlar xodimlari jalb etilgan boʻlib, jarayonlardagi koʻngilsiz hodisalarning oldini olishni nazorat qilib bormoqdalar.