Oliy va oʻrta maxsus taʼlim vazirligining tegishli buyrugʻiga asosan hududlarda oʻquv jarayonlarini kredit-modul tizimiga oʻtkazish boʻyicha seminar-trening o'tkazilmoqda.

Oliy taʼlimni rivojlantirish tadqiqotlari va ilgʻor texnologiyalarni tatbiq etish markazi direktorining birinchi oʻrinbosari Esonov Muzaffar rahbarligidagi ishchi guruh tomonidan vodiy viloyatlarida ham ana shunday seminar-treninglar tashkil etilmoqda.

Bugun, 18-avgust kuni Andijon viloyatidagi barcha OTMlarda faoliyat yuritayotgan oʻquv ishlari boʻyicha prorektorlar, oʻquv-uslubiy boshqarma boshliqlari, kredit-modul tizimiga masʼul xodimlar hamda boʻlim boshliqlari uchun Esonov Muzaffar tomonidan kredit-modul tizimini joriy etish samaradorligi borasida bilim va koʻnikmalar berib oʻtildi.

Ishchi guruh tomonidan seminar ishtirokchilariga kredit-modul tizimida oʻquv jarayonining uslubiy taʼminoti, kredit-modul tizimida talabaning mustaqil mashgʻulotlarini tashkil etish hamda ushbu tizimni raqamlashtirish mavzulari keng tushuntirib oʻtildi hamda amaliy vazifalar yuklatildi.

Seminar yakunida yangi o‘quv yiliga tayyorgarlik masalalari, o‘quv-me’yoriy hujjatlar, kredit-modul tizimi va boshqa masalalar yuzasidan fikr almashildi.