Ma'lumki, Vazirlar Mahkamasining 2022-yil 11-yanvardagi 17-sonli qarori bilan Texnikumlarni muvaffaqiyatli tamomlagan bitiruvchilarni oliy ta`lim muassasalarining bakalavriat ta`lim yo`nalishlariga suhbat asosida o`qishga qabul qilish tartibi to`g`risidagi nizom tasqdiqlangan.

11-avgust kunidan boshlab Andijon davlat universitetida texnikumni a'lo baholarga tamomlagan bitiruvchilar uchun suhbat jarayonlariga start berilgan edi.

Bugun, 13-avgust texnikumni bitiruvchilari uchun Kompyuter injiniringi: AT-Servis yo'nalishidan suhbat o'tkazishning oxirgi kuni bo'lib o'tdi. Suhbat jarayoni universitetning professor-o'qituvchilari va soha mutaxassislari tomonidan shaffof va adolatli tarzda olib borildi.

Suhbat jarayonlaridan muvaffaqiyatli o'tgan talabgorlarni qutlab, kelgusidagi o'qishlariga omad tilaymiz.