Bugun, 6-avgust kuni Andijon davlat universitetida 2 ta ta'lim yo'nalishi bo'yicha alohida iqtidor talab etiladigan sport faoliyati: futbol hamda boks yo'nalishlari uchun kasbiy (ijodiy) imtihonlar bo'lib o'tmoqda.

Universitetda imtihon jarayonlari ikki smenada: ertalabki 8:00 dan kechki 19:00 gacha o‘tkazilishi belgilangan.

Ijodiy imtihonlarni yanada shaffof, ochiq va adolatli oʻtkazilishi Oliy va o‘rta maxsus ta’lim vazirligining mas'ul xodimlari, keng jamoatchilik va OAV xodimlari tomonidan nazorat qilib borilmoqda.

Abituriyentlarning ota-onalari va barcha qiziquvchilar live.adu.uz platformasi orqali imtihonlarni jonli efirda kuzatib borishlari mumkin. Imtihonlarda xavfsizlikni taʼminlash hamda tartibli o‘tishini Ichki ishlar va Milliy gvardiya xodimlari nazorat qilib bormoqdalar.

Abituriyentlar imtihon natijalarini Andijon davlat universitetining rasmiy web-sayti adu.uz hamda ijtimoiy tarmoqdagi telegram kanali orqali bevosita kuzatib borishlari mumkin.