Ma'lumki, Andijon davlat universitetida alohida iqtidor talab etiladigan taʼlim yoʻnalishlari boʻyicha kasbiy (ijodiy) imtihonlar 31-iyuldan 7-avgustga qadar o‘tkazilishi belgilangan. 

Universitetga alohida iqtidor talab etiladigan 2 ta ta'lim yoʻnalishlariga sirtqi ta'lim shakli bo‘yicha jami 384 nafar abituriyentlar roʻyxatdan oʻtgan.

Bugun, 4-avgust kuni sirtqi ta'lim shakli bo'yicha futbol hamda boks yoʻnalishlariga hujjat topshirgan abituriyentlar imtihon topshirmoqdalar. Oliygohimizda imtihonlar 2 smenada ertalabki 8:00 dan  kechki 19:00 gacha o'tkazilishi belgilangan .

Mazkur sinovlar ochiq, shaffof va adolatli oʻtishi uchun vazirlikning masʼul xodimlari hamda jamoatchilik nazorati, Xalq deputatlari Andijon viloyat kengashi vakillari, jurnalistlar ishtirok etmoqdalar.

Universitetimizda o'tkazilayotgan kasbiy (ijodiy) imtihon jarayonlarini abituriyentlarning ota-onalari live.adu.uz platformasi orqali jonli kuzatib borishlari mumkin.

Ichki ishlar boshqarmasi hamda Milliy gvardiya xodimalari imtihon jarayonlari o'tkazilayotgan hududda xavfsizlikni ta'minlab bermoqdalar.