Bugun, 3-avgust kuni Andijon davlat universitetida alohida iqtidor talab etiladigan yoʻnalishlar uchun kasbiy(ijodiy) imtihonlarning navbatdagi qismi boʻlib oʻtmoqda. 3-avgust kuni futbol hamda boks yoʻnalishida kunduzgi taʼlimda tahsil olishga istak bildirgan soʻnggi abituriyentlar sinovdan oʻtmoqdalar.

Bugun kunduzgi taʼlimda alohida iqtidor talab etiladigan yoʻnalishlar uchun kasbiy(ijodiy) imtihonlar yakunlanib, 4-avgustdan sirtqi taʼlim uchun sinovlar boshlanadi.

Ma'lumot o'rnida Andijon davlat universitetiga alohida iqtidor talab etiladigan 61010300 - Sport faoliyati: boks, 61010300 - Sport faoliyati: futbol va 61010300 - Sport faoliyati: kurash yoʻnalishlariga kunduzgi ta'lim shakli bo'yicha jami 451 nafar nafar abituriyentlar roʻyxatdan oʻtgan. Shulardan, 125 nafari qabul qilinishi belgilangan.

Andijon davlat universiteti matbuot xizmati barcha abituriyentlarga omad tilab, ularni talabalarimiz qatorida koʻrishni istab qoladi.