Bugun, 1-avgust kuni Andijon davlat universitetida alohida iqtidor talab etiladigan yoʻnalishlar uchun kasbiy (ijodiy) imtihonlarning navbatdagi qismi boʻlib oʻtmoqda.

Imtihonlar 2 smenada 8:00 dan 18:00 gacha tashkil qilingan va abituriyentlar imtihon topshrishilari uchun barcha sharoitlar yaratilgan.

Bugun, kurash, futbol hamda boks yoʻnalishlariga hujjat topshirgan abituriyentlar imtihon topshirmoqdalar. Mazkur sinovlar ochiq, shaffof va adolatli oʻtishi uchun vazirlikning masʼul xodimlari hamda jamoatchilik nazorati, Xalq deputatlari Andijon viloyat kengashi vakillari, jurnalistlar ishtirok etishmoqda.

Abituriyentlarga kerakli qulayliklar yaratilgan, shuningdek, jarayonga milliy gvardiya, ichki ishlar xodimlari hamda malakali tibbiyot xodimlari jalb qilingan.

Abituriyentlarning ota-onalari imtihonlarni bevosita live.adu.uz platformasi orqali jonli kuzatib turishlari mumkin.

Ushbu sinovlarda barcha abituriyentlarga omad tilaymiz!