Universitetning katta majlislar zalida 8 mart – “Xalqaro xotin-qizlar kuni” munosabati bilan ma’naviy-ma’rifiy tadbir o‘tkazidi. Tadbirda universitetda faoliyat olib borayotgan ayol professor-o‘qituvchilar va ishchi-xodimlar ishtirok etdi.

Universitet rektori professor Akramjon Yuldashev ayol professor-o‘qituvchilari, ishchi-xodimlari va talaba qizlarini qizg‘in tabrikladi. Barcha fakultetlar dekanlari, dekan o‘rinbosarlari, iqtidorli talaba-yigitlari tomonidan ayollarga gul va esdalik sovg‘alari tarqatildi.   

Tadbirda ishtirokchilarga fizika-matematika va pedagogika fakultetlari jamoasi va universitetning iqtidorli talaba-yigitlari tomonidan “Saxnada erkaklar” madaniy-ma’rifiy musiqali dastur asosida QVZ, ayollarni madx etuvchi she’rlar, qo‘shiqlar hamda sahna ko‘rinishlari taqdim etildi. Bayram tadbiriga Andijon shahar “Bahor” ansambli jamoasining chiqishlari yanada ko‘tarinkilik baxsh etdi.

Shu kuni universitetda bayram munosabati bilan Marg‘ilon hunarmandlarining “Marg‘ilon adraslari va maxsulotlari” ko‘rgazmasi va savdosi tashkil etildi.

Bayoram tadbiri barcha ishtirokchilarda katta taassurot qoldirdi.