Respublikamizdagi 46 ta oliy ta'lim muassasalarida alohida iqtidor talab etiladigan taʼlim yoʻnalishlari boʻyicha kasbiy (ijodiy) imtihonlar 31-iyuldan 10-avgustga qadar o‘tkazilishi belgilangan. Andijon davlat universitetiga alohida iqtidor talab etiladigan yoʻnalishlarning kunduzgi ta'lim shakli bo‘yicha 835 nafar abituriyentlar roʻyxatdan oʻtgan.

Bugun, 31-iyul kuni Andijon davlat universitetida 3 ta taʼlim yoʻnalishi bo‘yicha, alohida iqtidor talab etiladigan taʼlim yoʻnalishlarida kasbiy (ijodiy) imtihonlar boshlandi.

Universitetimizda imtihonlar ikki smenada birinchi smena 8:00 dan 13:00 gacha, ikkinchi smena 14:00 dan 18:00 gacha o‘tkazilishi belgilangan.

O'tkazilayotgan ijodiy imtihonlarni yanada shaffof, ochiq va adolatli oʻtkazishda vazirlikning mas'ul xodimlari hamda jamoatchilik nazorati tomonidan nazorat qilib borilmoqda. Abituriyentlarning ota-onalari imtihon jarayonlarni live.adu.uz platformasi orqali jonli kuzatib bormoqdalar.

Bugungi imtihonlarda 3 ta ta'lim yo‘nalishi bo‘yicha jami 150 nafar abituriyentlarning imtihon topshirishi rejalashtirilgan.

Imtihon jarayonlarida tibbiyot xodimlari har bir abituriyentni sogʻligini alohida nazorat qilib bormoqdalar.

Abituriyentlar uchun suv va salqin ichimliklar tashkil qilingan. Xavfsizlikni taʼminlash uchun Milliy gvardiya va Ichki ishlar xodimlari jalb etilgan.