Davlatimiz rahbari tomonidan ijtimoiy, maʼnaviy-maʼrifiy sohalardagi ishlarni yangi tizim asosida yoʻlga qoʻyish boʻyicha ilgari surilgan 5 ta muhim tashabbusning biri - xotin-qizlarni ish bilan taʼminlash masalalariga amaliy yondashishdan iborat.

Shu maqsadda bugun, 29-iyun kuni 2-TTJda yashovchi tabiiy fanlar, pedagogika, fizika-matematika, ijtimoiy-iqtisodiyot, tarix fakulteti talaba-qizlarining darsdan boʻsh vaqtlarini qoʻshimcha kasb-hunarga hamda xotin-qizlar oʻrtasida tadbirkorlikni rivojlantirishga yoʻnaltirish maqsadida “Tadbirkorlik faoliyatini yoʻlga qoʻyish, rivojlantirish”, “Oʻzbekistonda internet doʻkonlar faoliyatlari” mavzularida davra suhbati tashkil etildi.

Mavzu doirasida talaba-qizlarni qiziqtirgan savollarga oliy toifali huquqshunos, psixolog hamda “Atlas” parfyumeriya mahsulotlari ishlab chiqarish korxonasi rahbari Shoiraxon Umrzaqova, Namanganlik tadbirkor ayol Dilafruz Mamatqulova tomonidan batafsil maʼlumot, tavsiya va maslahatlar berildi.