"Yoshlar oyligi" doirasida ko'tarinki shukuh ostida o'tkazilayotgan tadbirlarning navbatdagi soni joriy yilning 23-iyun kuni universitet Xotin-qizlar masalalari boʻyicha maslahat kengashi tashabbusi bilan universitetimizning 1-2-talabalar turar joylarida milliy va zamonaviy liboslar ko'rgazmasi boʻlib oʻtdi. 

Talabalar turar joylarida yashovchi talaba-qizlar oʻrtasida kiyinish madaniyati targʻibotini tashkil etish, milliy qadriyat va milliy liboslarimizga boʻlgan hurmat tuygʻularini yanada yuksaltirishga qaratilgan ushbu tadbirda 1- va 2-sonli TTJda yashovchi 20 dan ortiq talaba-qizlar atlas, adras, bahmal, beqasam va shoyi kabi milliy matolardan tikilgan zamonaviy liboslar bilan ishtirok etdilar.

Har bir millat va elat oʻz milliy liboslari bilan koʻrkam koʻrinadi va gʻururlanadi. Keyingi vaqtlarda milliy liboslarimizga yanada qiziqish kuchaymoqda. Faqat toʻy, tantanalarda emas, oddiy kunlarda ham qiz, ayollarimiz milliy liboslarda koʻrinishmoqda.