Xabaringiz bor, Andijon davlat universitetida fakultetlararo chet tillar (aniq va tabiiy fanlar) kafedrasi professor- o’qituvchilari hamda xorijiy tillarni o'rganishni ommalashtirish agentligi (LPA) hamkorligida universitetimiz professor-o'qituvchilari o’rtasida "English Test for ASU-Non-philology teachers 2022" nomli olimpiada o'tkazilgan edi.

Olimpiadaning yakuniy natijalariga ko'ra:

1-o'rinni O'zbekiston tarixi kafedrasi o'qituvchisi Shaxboz Hodjiyev

2-o'rinni kimyo kafedrasi o‘qituvchisi Jamshidbek Xabibullayev

3-o'rinni esa kompyuter injiniring kafedrasi o‘qituvchisi Nosirbek Abdurazzoqov egalladi.

Bugun, 20-iyun kuni ushbu olimpiadada munosib ishtirok etib, g'olib bo'lgan professor-o'qituvchilar universitet ma'muriyati hamda fakultetlararo chet tillar (aniq va tabiiy fanlar) kafedrasi mudiri tomonidan tashakkurnoma va qimmatbaho esdalik sovg'alari bilan taqdirlandi.

G'oliblarimizni kelgusi ilmiy faoliyatlariga ulkan muvaffaqiyatlar tilaymiz!