Joriy yilning 8-iyun kuni Andijon davlat universitetining kichik majlislar zalida marhum yozuvchi Azamxon Qorixo’ja xotirasiga bag'ishlangan ijodiy kecha o'tkazildi. Yozuvchining oila a’zolari, do’stlari va bir maktabda ta’lim olgan sinfdosh birodarlari tashrif buyurib ustozning ilmga bag’ishlangan hayoti to’grisida gapirib berdilar.

Yozuvchi Azamxon Qorixo’janing oila a’zolari ustoz bilan o’tkazgan ajoyib voqealarini, qiziqarli xotiralarini tabassum bilan so’zlab berdi. Ustoz yaxshi suhbatdosh, to’g’ri so’z, ziyrak , kitobga bo’lgan muhabbati va shu kabi fazilatlar egasi ekanligi uchun hozirgi kunda yurtimiz ravnaqiga munosib xissa qo’sha oluvchi ko’plab shogirdlarni yetishib chiqishiga munosib xissa qo’shdi.

Uchrashuv davomida yozuvchining “Gar ortiq so’z dedim” deb nom olgan kitobining taqdimoti ham bo’lib o’tdi. Taqdimot davomida universitetda birga ta’lim olgan kasbdoshi filologiya fanlari doktori U.Jo’raqulov kitobning naqadar nafis so’zlar bilan boyitilganligi, badiiy estetik didga hamda yorqin ma’naviy ozuqaga boy ekanligi haqida gapirib talabalarni ham bu kitob bilan yaqindan tanishishga chaqirdi.
 
Talabalar uchrashuvdan boy ma'naviy ozuqa oldilar. O'tkazilgan ijodiy kecha professor-ustozlar va barcha talabalar uchun juda foydali bo'ldi.