Xabaringiz bor, joriy yilning 2-4-iyun kunlari Livan davlatining Juniya shahrida sportning jangovar sambo turi bo‘yicha Osiyo chempionati bo'lib o'tdi.

Ushbu musobaqada Andijon davlat universiteti jismoniy madaniyat fakulteti talabalari Ibodat Agajanova hamda O‘g‘iloy Kenjabayevalar universitetimiz sha'nini himoya qildilar.

Quvonarlisi ikki talabamiz ham Ibodat Agajanova 59 kg vazn toifasida, O‘g‘iloy Kenjaboyeva 54 kg vazn toifasida finalda Qozog‘istonlik raqiblarini munosib yengib faxrli 1-o‘rinni qo‘lga kiritdilar.

G‘olib bo‘lgan talabalarimizni va ularga saboq bergan ustozlarini ushbu yuksak g‘alaba bilan universitet rektori Akramjon Yuldashev qutlaydi va kelgusida bundanda yuqori cho‘qqilarni egallashida ulkan zafarlar tilaydi.

Talabalarimiz Andijon davlat universiteti rektorining tegishli buyrug'i bilan bazaviy stipendiyaning 1 barobari (517 ming so‘m) miqdorida pul mukofoti hamda esdalik sovg‘alari bilan taqdirlandi.