Joriy yilning 2-iyun kuni Andijon davlat universitetining axborot resurs markazida tarix fakultetining 2-bosqich talabalari o’rtasida "Sharq tafakkur olami" shiori ostida intellektual tanlovi bo’lib o’tdi.

Tashkil etilgan intellektual tanlovda talabalar tezkor savollar, tarqatma, rasmli savollar, test savollari, zakovat shartlarida bellashdilar.

"Sharq allomalarining ilmiy merosi" fani o‘qituvchisi Marg'ubaxon Radjapova tashabbusi bilan o’tkazilgan bellashuvda fakultetning 2-bosqich talaba-yoshlari ishtirok etdi.

Qiziqarli bahs-munozaralar bilan o’tkazilgan bellashuvning yakuniy natijalariga ko’ra; 1-o’rinni 201-guruh talabalari, 2-o’rinni 206-guruh talabalari, 3-o’rinni esa 203-guruh talabalari egalladi.

Tadbir so'ngida g'olib bo'lgan guruh talabalarini tarix fakulteti dekani Ravshanbek Shamsitdinov faxriy yorliq hamda esdalik sovg'alari bilan taqdirladi.