Ma'lumki, Andijon davlat universiteti ma'muriyati tomonidan talabalar turar joylarida kechki konsert dasturlari an'anaviy tashkil etilmoqda.

Bugun, 31-may kuni Andijon davlat universitetining 4-5-talabalar turar joyida talabalarning bo‘sh vaqtlarini mazmunli tashkil etish maqsadida kechki konsert dasturi bo‘lib o‘tdi.

Ushbu tadbirda Andijon davlat universiteti san'atshunoslik fakultetining iste'dodli yoshlari tomonidan qiziqarli sahna-ko'rinishlar, sho'x kuy-qo'shiqlar ijro etilib, yoshlarimizga ko‘tarinki kayfiyat ulashdi.

Kechki konsert dasturimizda san'atshunoslik fakulteti talabalari o'zlarini nafaqat qiziqarli, balki, ma'naviy ozuqaga boy bo'lgan sahna ko'rinishlari bilan munosib ishtirok etdi.

Ma'naviy-ma'rifiy kecha so'nggida faol ishtirok etgan talabalar universitetimiz ma'muriyati tomonidan tashakkurnoma va esdalik sovg'alari bilan munosib taqdirlandi.

Universitetimiz Yoshlar Ittifoqi boshlang'ich tashkiloti yetakchisi Omadbek Olimjonov ushbu tadbirda barcha talaba-yoshlarni faol ishtirok etishga chorlaydi.

Ta’lim tizimida bu kabi madaniy tadbirlarni tashkil qilish, talabalarimizni san’atga mehr qo'yib, milliy ma’naviy ruhda tarbiyalashda katta o'rin tutadi.