Bugun, 27-may kuni Andijon davlat universitetining 1-2-talabalar turar joyida talabalarning bo‘sh vaqtlarini mazmunli tashkil etish, ularni madaniy hordiq olishlari uchun universitet ma'muriyati tomonidan ma'naviy-ma'rifiy kecha tashkil etildi.

Tashkil etilgan tadbirda mas'ul o‘qituvchilar, tyutorlar, tarbiyachilar hamda talabalar ishtirok etdi.

Konsert dasturida yosh ijodkorlar tomonidan ijro etilgan milliy va zamonaviy estrada yo‘nalishidagi qo‘shiqlar barcha tadbir qatnashchilariga ko‘tarinki kayfiyat ulashdi. 

Tadbirda universitetning iqtidorli talabalaridan tashkil topgan quvnoqlar va zukkolar jamoasi tomonidan hazilga boy chiqishlar tomoshabinlar e’tiboriga havola etildi.

Mazkur tadbir yig‘ilganlarda katta taassurot qoldirib, talaba-yoshlar o‘rtasidagi do‘stlik va ma’naviy yaqinlikni namoyon etdi.