O’zbekiston Respublikasi Prezidentining 2021-yil 24-sentabrdagi PQ-5251-sonli qarori bilan tasdiqlangan Velosport turlarini 2021-2022-yillarda rivojlantirish dasturining 4(7)-bandida “Talabalar ligasi” velosport musobaqasini tashkil etish vazifasi belgilangan. Ushbu topshiriqni ijrosini ta'minlash maqsadida bugun, 25-may kuni Andijon davlat universitetining sport maydonida velosport turi bo'yicha musobaqa bo'lib o'tdi.

Ushbu musobaqada viloyatimizning barcha davlat oliy ta’lim muassasalari talabalari ishtirok etib, musobaqaning bugungi bahslarida yoshlar yakkalik poyga bo'yicha musobaqalashdi. Reglamentga ko'ra, yakkalik poygalarda talabalar 3 km masofani bosib o'tdi va g’oliblik uchun bor mahoratlarini ishga soldilar.

Yakuniy natijalarga ko'ra, o‘g‘il-talabalalar o‘rtasida 1-o'rinni Andijon davlat universiteti jismoniy madaniyat fakulteti 2-bosqich talabasi Xasanboy Bo‘stonov, 2-o'rinni Andijon davlat universitetining pedagogika instituti san'at va jismoniy madaniyatni o‘qitish metodikasi 1-bosqich talabasi Muhammadali Sodikov, 3-o'rinni Andijon davlat universiteti jismoniy madaniyat fakulteti 2-bosqich talabasi Quyoshbek Isroilov egalladi.

Yakuniy natijalarga ko'ra, qiz-talabalalar o‘rtasida 1-o'rinni Andijon davlat universiteti jismoniy madaniyat fakulteti 3-bosqich talabasi Nargizaxon Ergasheva, 2-o'rinni Andijon davlat universiteti jismoniy madaniyat fakulteti 2-bosqich talabasi Fotimaxon Ibragimova, 3-o'rinni esa Andijon davlat universitetining pedagogika instituti san'at va jismoniy madaniyatni o‘qitish metodikasi fakulteti 1-bosqich talabasi Rayxona Pozilova egalladi.

G‘olib bo‘lgan talabalarga Andijon davlat universiteti rektori, professor Akramjon Yuldashev va universitetimiz xodimlar va talabalar kasaba uyushmasi tomonidan esdalik sovg‘alari hamda tashakkurnoma tantanali topshirildi.