Respublikamizda iqtidorli yoshlarning mantiqiy bilimlarini oshirish, ularni saralash va intellektual o‘yinlarga keng jalb qilish,  shuningdek, talabalarning intellektual salohiyatini yuksaltirish bo'yicha "Zakovat" intellektual turnirlari an'anaviy o'tkazib kelinmoqda.

Ma'lumki, viloyatimiz oliy ta'lim muassasalari o‘rtasida "Zakovat" turniri o‘tkazilmoqda. Joriy yilning 20-may kuni Andijon davlat universitetida “Zakovat” intellektual o’yinining 5-tur bahslari ochiq osmon ostida bo’lib o’tdi.

Ushbu turnirda viloyatimizning barcha davlat oliy ta’lim muassasalari talabalaridan tashkil topgan 16 ta jamoa ishtirok etib, g‘oliblik uchun bor mahoratlarini namoyon qildilar.

5-turning yakuniy natijalariga ko’ra, universitetimiz sha'nini himoya qilib kelayotgan "Universal" hamda "A-Zet" jamoalari 17 balni qo‘lga kiritib, jadvalning 2-3-pog‘onalarini egallab kelmoqda.

Ma’lumot uchun “Zakovat” intellektual musobaqasining 6-tur bahslari Andijon iqtisodiyot va qurilish institutida bo’lib o’tadi. Ushbu bahslarda siz ham o’z jamoangiz bilan ishtirok etib, g’oliblik uchun bellashing.