Bugun, 12-may kuni Andijon davlat universiteti sanʼatshunoslik fakulteti tasviriy sanʼat va muhandislik grafikasi kafedrasi oʻqituvchisi, Oʻzbekiston badiiy ijodkorlar uyushmasi aʼzosi, mohir rassom Neʼmatjon Bekmuratovning shogird oʻquvchi va talabalari bilan hamkorlikda Andijon viloyati Badiiy ijodkorlar uyushmasi koʻrgazmalar zalida “Chizgilarda ajdodlarimiz nafasi” deb nomlangan ijodiy ishlar koʻrgazmasining ochilish marosimi boʻlib oʻtdi.

Tadbirning tantanali ochilish marosimiga nafaqat Andijon, balki respublikamizning Toshkent, Namangan kabi viloyatlaridan taniqli musavvirlar tashrif buyurdi.

 Oʻziga xos mahorat maktabi sifatida shakllangan Neʼmatjon Bekmuratov asarlari tomoshabinlarning hayratlariga sabab boʻldi.

Koʻrgazmada N.Bekmuratovning koʻp yillik shogirdlari bilan bir qatorda bugungi kunda Andijon davlat universitetida tahsil olayotgan shogird ijodkor talabalar ham oʻz ijod namunalarini tomoshabinlar hukmiga havola etdi.

Tadbir so'ngida Neʼmatjon Bekmuratov va uning faol ijodkor shogirdlari badiiy ijodkorlar uyushmasining faxriy yorligʻi bilan taqdirlandi.