Bugun, 7-may kuni Andijon davlat universiteti ma'muriyati va kasaba uyushmasi hamkorligida 9-may "Xotira va qadrlash kuni" munosabati bilan katta fayzli dasturxon yozildi.

Unga universitetimiz faoliyatiga o'zining ulkan mehnatlari singgan nafaqadagi ulug' ustoz va professor-o'qituvchilar hamda hozirgi kunda jonkuyarlik va fidokorlik bilan xizmat qilayotgan barcha professor-o'qituvchilar va ishchi-xodimlar taklif etildi.

Andijon davlat universiteti rektori Akramjon Yuldashev so'zga chiqib, urush faxriylarimizni yod etdi hamda ushbu kechaga yig'ilgan barcha professor-o'qituvchilar va ishchi-xodimlarni 9-may "Xotira va qadrlash kuni" munosabati bilan qutladi.

Tashrif buyurgan barcha professor-o'qituvchilar va ishchi-xodimlar uchun maqomchilar tomonidan turli kuy va qo'shiqlar ijro etildi hamda qo'li gul oshpazlarimiz tomonidan osh damlandi.

Kechaga yig'ilgan barcha nafaqadagi ustozlar bir-birlari bilan diydor ko'rishishga muyassar bo'ldi.

Ushbu kecha so'ngida Rahmonberdi qori domla tomonidan o'tganlar ruhiga qur'on tilovat o‘qildi.