Xabaringiz bor, shu kunlarda viloyatimiz bo'ylab "Madaniyat va yoshlar oyligi" doirasida turli tuman tadbirlar, ko'rgazmalar namoyishi va ko'ngilochar konsert dasturlari bo'lib o'tmoqda.

Xuddi shu munosabat bilan bugun, 28-aprel kuni Andijon shahrida joylashgan "Qo'g'irchoq teatri" da Andijon davlat universiteti tomonidan konsert dasturi tashkil etildi. Ushbu konsert dasturiga universitetning san'atshunoslik va pedagogika fakultetlari mezbonlik qildilar.

Konsertda universitet rektori Akramjon Yuldashev boshchiligida bir qator professor-o'qituvchilar hamda talaba-yoshlar ishtirok etdi.

Ushbu ko'ngilochar konsert dasturi shahar aholisini ham o'ziga jalb etdi va ular ham oilaviy tarzda kechaga tashrif buyurdi.

Ko'tarinkilik bilan boshlangan konsert so'ngiga qadar barcha yig'ilganlarga yuqori kayfiyat bag'ishladi va dillarni xushnud etdi.

"Madaniyat va yoshlar oyligi" davom etadi. Siz ham faol bo'ling, vaqtingizni biz bilan maroqli o'tkazing!