Joriy yilning 31-mart kuni Andijon davlat universiteti hamda Kegeyli tumani Yoshlar ishlari agentligi hamkorligida mahalla yoshlari oʻrtasida "Viloyat hokimi kubogi" zakovat intellektual o'tkazildi.

Universitetimizning iqtidorli talabasi "Zakovat" klubi koordinatori ishtirokida Kegeyli tumanida joylashgan 1-umumtaʼlim maktabida mahallalarda istiqomat qiluvchi yoshlarning boʻsh vaqtini unumli oʻtkazish maqsadida aqliy faoliyatni rivojlantiruvchi zakovat intellektual bahsi tashkil etildi.

Boʻlib oʻtgan bahsda mahallalarning 120 nafar zukko yoshlaridan tashkil topgan 20ta jamoa ishtirok etdi.

Kuchli bahs-munozaralarga boy kechgan yoshlar oʻrtasidagi bilimlar jangining yakuniy natijalariga koʻra 1-oʻrinni Aktoʻba mahalla fuqarolar yig'iniga qarashli "Aktoʻba" jamoasi egalladi. 2-oʻrinni esa Juzimbagʻ mahalla fuqarolar yig'iniga qarashli "Juzimbagʻ" jamoasi egallagan boʻlsa, 3-oʻrin Jyshanqalʼa mahalla fuqarolar yig'iniga qarashli "Jyshanqalʼa" jamoasi nasib etdi.

G'olib bo'lgan jamoalar Andijon davlat universiteti ma'muriyati tomonidan munosib taqdirlandi.