Yoshlarni bugungi kunda oliy taʼlimga yoʻnaltirish hamda iqtidorli talaba-yoshlarni mutaxassisligi bo‘yicha kuchli kadr bo‘lib yetishi, ularning iqtidorini yuzaga chiqarish maqsadida universitetimiz jamoasi tomonidan bir qator amaliy ishlar amalga oshirilmoqda.

Jumladan, 31-mart kuni universitetimiz professor-oʻqituvchilari tamonidan Kegeyli tumanining ilmga chanqoq oʻquvchilarini oʻzida jamlagan 55-umumtaʼlim maktabi va 1-umumtaʼlim maktablarida tahsil olib borayotgan oʻquvchilarga mahorat darslari o‘tkazildi.

Mahorat darslaridan so‘ng yoshlar bilan maktabning katta majlislar zalida suhbat tashkil etildi. Ushbu suhbatda professor-oʻqituvchilarimiz tomonidan oliy ta'limga kirish masalasi yuzasidan savol-javob tarzida o‘tkazilgan suhbat qizgʻin tarzda davom etar ekan, oʻquvchilar tomonidan berilgan savollarga mutaxassislarimiz tomonidan yetarlicha javoblar berildi.

Ruhiyatning ozuqasi bevosita musiqa hisoblanadi. Ustozlarimizning mohirona tashkil etgan musiqa darslari o‘quvchilarda o‘zgacha taassurot qoldirdi.