Joriy yilning 30-mart kuni Kegeyli tumanida joylashgan 14-umumtaʼlim maktabida pedagog-oʻqituvchilar oʻrtasida insonni teran fikrlashga va zukkolikka chaqiradigan zakovat intellektual turniri boʻlib oʻtdi.

Bahs-munozaralarga boy tarzda kechgan ushbu turnirga turli maktab muassasalaridan iborat 21 ta jamoadan jami 126 nafar o‘qituvchilar ishtirok etdi.

Musobaqa mobaynida universitetimizning mohir sozandalari tomonidan insonga oʻzgacha kayfiyat ulasha oladigan dilkash kuy-qoʻshiqlar jarang sochdi.

Musobaqaning yakuniy natijalariga koʻra, 1-oʻrinni 14-maktabning "14+" jamoasi egalladi. 2-oʻrin esa 25-maktabning "Ishonqalʼa" jamoasiga nasib etgan boʻlsa, 3-oʻrinni 5-maktabning "Astrum" jamoasi qoʻlga kiritdi.

Gʻolib boʻlgan jamoalar universitetimiz ma'muriyati tomonidan diplom hamda qimmatbaho sovgʻalar bilan taqdirlandi.
Mezbonlar tomonidan universitet jamoasiga mazkur Zakovat turnirini tashkil etishdagi amaliy koʻmagi va samarali hamkorligi uchun universitetimiz oʻz minnatdorchiligini bildirdi.