Universitet xotin-qizlar masalalari boʻyicha maslahat kengashi tashabbusi asosida “Navroʻz” - Umumxalq bayrami munosabati bilan universitetda tahsil olayotgan talaba-qizlar oʻrtasida milliy va anʼanaviy qadriyatlarni keng targʻib qilish, ularni vatanparvarlik, milliy iftixor ruhida tarbiyalash hamda milliy madaniyatni yanada rivojlantirish maqsadida “Bahor malikalari” tanlovi tashkil etildi.

Tanlov davomida talaba qizlar oʻsma qoʻyish, soch oʻrish va bahoriy kiyinish (milliy kiyimlar asosida) boʻyicha oʻzaro bellashdilar.

Natijalarga koʻra, fizika-matematika hamda tabiiy fanlar fakulteti 1-oʻrinni, ijtimoiy-iqtisodiyot fakulteti 2-oʻrinni, filologiya hamda jismoniy madaniyat fakulteti talaba-qizlari 3-oʻrinni qoʻlga kiritdi.

Tanlovda ishtirok etgan talaba-qizlarning barchasi esdalik sovgʻalari bilan, gʻoliblar esa universitet rektorining diplom va esdalik sovgʻalari bilan taqdirlandilar.