Kuni kecha Oliy va oʻrta maxsus taʼlim vaziri A.Toshqulov oʻtkazgan kengaytirilgan hayʼat yigʻilishida belgilab bergan vazifalar ijrosini taʼminlash maqsadida bugun, 15-mart kuni Andijon davlat universiteti kichik majlislar zalida universitet rektori A.S. Yuldashev rahbarligida kengaytirilgan kengash yigʻilishi boʻlib oʻtdi.

Ushbu yigʻilishda 56 nafardan ortiq masʼullar, xususan, universitetimizda faoliyat olib borayotgan prorektorlar, fakultet dekanlari, kafedra mudirlari va boʻlim boshliqlari ishtirok etdilar.

Unda 2021-yilda ilmiy sohada olib borilgan ishlar natijasi, jumladan, ilmiy yutuqlar va kamchiliklar tahliliy-tanqidiy muhokama qilindi.

Yigʻilishda koʻrib chiqilgan bir qancha muhim masalalar yuzasidan tegishli masʼullarga topshiriqlar berildi.

Yigʻilish yakunida barcha masʼullarga koʻtarilgan masalalar boʻyicha amalga oshiriladigan aniq vazifa va topshiriqlar belgilab berildi.

Yigʻilishida eʼtiborga olingan masalalar yuzasidan olib boriladigan ishlar universitetimiz ilmiy salohiyatining yuksalishiga yordam beradi.