Bugun, 11-mart kuni Andijon davlat universitetining kichik majlislar zalida O‘zbekiston Respublikasi Oliy Majlisi Qonunchilik palatasining Korrupsiyaga qarshi kurashish va sud-huquq masalalari qo‘mitasining ishchi guruh azolari boshchiligida davra suhbati bo‘lib o‘tdi.

Bu uchrashuvda O‘zbekiston Respublikasi Oliy majlisi Qonunchilik palatasining Korrupsiyaga qarshi kurashish va sud-huquq masalalari qo‘mitasining ishchi guruh a'zolari va Andijon viloyatidagi barcha oliy ta'lim muassasalari rektorlari, korrupsiyaga qarshi "Komplayens nazorat" bo‘limi boshliqlari, ta'lim sifatini nazorat qilish bo‘limi boshliqlari qatnashdilar.

Uchrashuvdan ko‘zlangan asosiy maqsad ta'limni korrupsiyasiz sohaga aylantirish, korrupsiya jamiyat rivojlanishini orqaga tortuvchi bosh omil ekanligi va bu illatga qarshi kurashishda birlashish kerakligi to‘g‘risida aytib o‘tildi.

Korrupsiyani oldini olish bo‘yicha amalga oshirilayotgan targ‘ibot tashviqot tadbirlarini yanada ko‘paytirish, korrupsiyaga qarshi kurashish bo‘yicha qonun hujjatlarini mazmun mohiyatini tushuntirishga qaratilgan ma'lumotlarni tayyorlash, tarqatish, mavzuga oid bosma materiallarni chop etish yuzasidan topshiriqlar berildi.

Bo'lib o'tgan suhbat so‘ngida kelgusida qilinishi kerak bo‘lgan ishlarni rejalashtirib olindi.