Universitetimizning 1-talabalar turarjoyida "Qizlarjon" klubi faollarining tashabbusi bilan "Mohir qoʻllar" toʻgaragi tashkil etilgan.

Joriy yilning 23-fevral kuni navbatdagi mashgʻulotda filologiya fakultetining tyutori Xodjayeva Dilfuzaxon tomonidan talaba-qizlarga oʻzbek milliy taomlaridan biri boʻlgan chuchvaraning toʻliq tayyorlash jarayoni koʻrsatib berildi.

Ushbu toʻgarakda filologiya fakultetida tahsil oluvchi talaba-qizlarning darsdan boʻsh vaqtlarini mazmunli tashkil etish, ularni mustaqil oilaviy hayotga tayyorlash, qoʻshimcha kasb-hunarga yoʻnaltirish maqsadida turli tanlovlar va samarali ishlar amalga oshirib kelinmoqda. Talaba-qizlar ushbu toʻgarakda pazandachilik, tikuvchilik, qoʻl mehnati yordamida taqinchoqlar yasashni oʻrganadilar. Talabalarimizga shu sohalarda yetarli bilimga ega boʻlgan ustoz va malakali mutaxassislar oʻrgatadilar.