Bugun, 21-fevral Andijon davlat universiteti filologiya fakultetida "Navoiy" nomli davlat stipendiyasi sovrindorlarini taqdirlash marosimi bo'lib o'tdi.

Tashkil etilgan qutlov kechasida filologiya fakultetining professor-oʻqituvchilari, sovrindorlarning ota-onalari hamda fakultetning talaba-yoshlari ishtirok etdi.

Ushbu kechada nomdor stipendiya sovriniga ega bo'lgan filologiya fakulteti 3-bosqich talabalari To'xtasinova Naimaxon, Mahmudjonov Shohruxbek, Yoqubboyeva Shoxistaxonlar fakultet dekani Bahodir Rahmonov tomonidan tantanali ravishda taqdirlandi.

Dastlab B.Rahmonov so'zga chiqib, sovrindorlar va ularning ota-onalariga o'zining samimiy qutlov va tabriklarini izhor etdi.

Ushbu talabalarga ilmiy rahbarlik qilib, o'zining hissasini qo'shgan professor-o'qituvchilar ham shogirdlarining yutuqlaridan mamnun ekanligini bildirdi.

Fakultetning talaba-yoshlari stipendiya sovrindorlarini qutlashdi.

O'tkazilgan ushbu kecha hayajonli va quvonchli lahzalarga boy bo'ldi.

Albatta, bu yutuqlar nafaqat filologiya fakultetining, balki universitetimizning yutug'idir.

Ushbu sovrindorlarni universitet jamoasi nomidan tabriklaymiz, kelgusi o’qish va ishlarida ulkan muvaffaqiyatlar tilab qolamiz.