Ma’lumki, har bir jamiyatning yuksak taraqqiyotiga soya soladigan bir qancha omillar bor. Keyingi yillarda mamlakatimizda korrupsiyaga qarshi kurashish sohasida muhim tashkiliy-huquqiy islohotlar amalga oshirilmoqda.

Joriy yilda “Korrupsiya – taraqqiyot yo’liga to’siq”  mavzusida universitet professor-o’qituvchilari va ishchi-xodimlari o’rtasida korrupsiyani oldini olishga qaratilgan reja-jadval asosida barcha fakultetlarda davra suhbatlari o’tkazish rejalashtirilgan.  

Xuddi shu masala yuzasidan bugun, 10-fevral kuni Andijon davlat universitetida tarix va filologiya fakultetining professor-o’qituvchilari o’rtasida davra suhbati tashkil etildi.

Uchrashuvda dastlab so'zga universitetning o’quv ishlari bo’yicha prorektori Rustamjon Mullajonov Vahobjonovich so’z oldi hamda korrupsiyaga qarshi kurashish, uning oldini olish va “Korrupsiya – taraqqiyot yo’liga to’siq” degan gapni baralla ayta olishimiz uchun barchaning yordami kerakligini aytdi.

Shuningdek, korrupsiyaga qarshi kurashish “Komplaens nazorat” tizimini boshqarish bo’limi  boshlig’i Abdukarim Akbarov uchrashuvda yig’ilgan barcha professor-o’qituvchilar va ishchi-xodimlarni  korrupsiyaga qarshi kurashish yo’lida birlashishga chorladi.

Shu jumladan, universitet huquqshunosi M.Sodiqova va kasaba uyushmasi qo’mitasi raisi M.Botirovlar o’z ma’ruzalari bilan ishtirok etdi.

Zero, korrupsiya – jamiyat taraqqiyotining ashaddiy kushandasidir. Shu sababli biz ko’pchilik bo’lib uni oldini olishga harakat qilsak, albatta, bu maqsadimizga erishamiz.