2022-yil 8-fevral kuni universitet xotin-qizlar kengashi tomonidan Axborot texnologiyalari va kompyuter injiniring fakultetining TTJda yashovchi talaba-qizlari o‘rtasida sog‘lom, ma’naviy-ma’rifiy muhitni shakllantirish, o‘zaro hurmat, kiyinish, muloqot va muomala madaniyati, odob-axloq hamda ichki-tartib qoidalariga intizomiga bag‘ishlangan davra suhbati bo’lib o’tdi.

Dastlab, xotin-qizlar kengashi, fakultet rahbariyati va TTJ binosi mas’ullari hamroxligida talaba-qizlarga yashash uchun yaratilgan shart-sharoitlar o‘rganildi hamda faoliyat uchun zarur ko‘rsatma va maslahatlar berildi.

Ushbu davra suhbatida Xotin-qizlar masalalari bo‘yicha maslahat kengashi raisi Umidaxon Ahmedova, fakultet dekani Asilbek Medatov, dekan o‘rinbosari Maqsudbek Djo‘raboev, xotin-qizlar masalalari bo‘yicha dekan maslahatchisi Nigoraxon Saidova, tyutorlar va TTJ binosi bo‘yicha barcha mas’ullar hamda TTJda yashovchi talaba-qizlar ishtirok etdi. 

Davra suhbati davomida "Qizlarning kiyinish, muloqot va muomala madaniyati", "Salomlashish odoblari", "Odob-axloq qoidalari", "TTJning ichki tartib-qoidalari" mavzulari doirasida talaba-qizlar bilan fikr almashildi, zaruriy tavsiyalar berildi.

Talaba- qizlarni qiziqtirgan yo‘nalishlar bo‘yicha o‘quv, sport va kasb-xunar to‘garaklarini tashkil qilish uchun bildirilgan takliflar yuzasidan mas’ullar belgilanib, ijroga yo‘naltirildi.

Davra suhbati so‘nggida, talaba-qizlar xohish va takliflari hamda tavsiyalariga ko‘ra TTJ Kengashi raisi va a’zolari, qavatlar bo‘yicha mas’ullar ham tayinlandi.