Xabaringiz bor, Andijon davlat universiteti Qozon federal universiteti bilan ta’lim sohasida xalqaro hamkorlik munosabatlarini izchil amalga oshirib kelmoqda.

Bugun, 18-dekabr kuni Andijon davlat universitetiga Qozon federal universitetidan ikki oliy ta'lim muassasasi o'rtasida hamkorlik o'rnatish maqsadida pedagogika fanlari doktori, psixologiya universitetining direktor o’rinbosari Galimov Almaz Mirzanurovich tashrif buyurdi.

Tashrif chog’ida universitet rektori Akramjon Yuldashev va Galimov Almaz Mirzanurovich bilan bo'lib o'tgan suhbatda qo'shma ta'lim dasturini yo'lga qo'yish masalalar muhokama qilindi.

Tashrif buyurgan mehmonlar Andijonning mehmondo‘st xalqidan mamnunligini, ikki universitet o'rtasida uzoq yillar hamkorlik saqlanib qolishi va hamkorlik aloqalarini izchil ravishda rivojlanishidan manfaatdor ekanliklarini is'hor qildi.

Uchrashuv yakunida mehmonlarga universitet ma’muriyati tomonidan esdalik sovg'alari topshirildi.

Bunday sa'y-harakatlarimiz dunyoning yetakchi oliy ta'lim muassasalari bilan o‘zaro manfaatli va amaliy hamkorlik aloqalarini mustahkamlash imkonini beradi.