Bugun, 17-dekabr kunining ikkinchi qismida universitetimiz rektori Akramjon Yuldashev Chet tillari fakulteti bitiruvchi talabalari bilan muloqot o'tkazdi.

Uchrashuvda fakultetning 250 dan ortiq bitiruvchi yoshlari ishtirok etdi.

Muloqot erkin ruhda, qizg'in va munozaraga boy tarzda bo'lib o'tdi. Suhbat davomida bitiruvchilarni magistratura bosqichiga o'qishga qabul qilish tartiblari, asosiy ko‘rsatkichlar haqida ma'lumotlar hamda imtihonlarga tayyorgarlik ko‘rish bo‘yicha tavsiyalar berildi.

Shuningdek, uchrashuvda bitiruvchilarni ishga joylashtirish bo'yicha ham fikr almashildi. Universitet rektori talabalarga kerakli maslahatlar ham berdi.

Erkin ruhda o‘tgan uchrashuvda talabalar uchun muhim bo‘lgan savollarga batafsil javob berildi va talabalarning fikr va takliflari eshitildi.

Muloqot barcha uchun foydali va samarali tarzda o'tkazildi.