Bugun, 15-dekabr kuni Andijon davlat universitetiga “Kinokarvon” aksiyasi doirasida taniqli aktyor va rejissorlar tashrif buyurdi.

Uchrashuv universitetimizning katta majlislar zalida teatr va o’zbek kinosida o’ziga xos o’ringa ega taniqli aktyorlar "O'zbekistonda xizmat ko’rsatgan artist"lar Egamberdi Rahimov, Xurshid To’xtayev, Anvar Nazarov, rejissor Shohruh Rasulov, universitetimiz professor-o’qituvchilari hamda talaba-yoshlar ishtirokida bo’lib o’tdi.

Bo’lib o’tgan davra suhbatida aktyorlar so’nggi yillarda o’zbek kinosining erishgan yutuqlari haqida aytib o’tdi. Tadbir davomida talabalar kinomotografiya sohasidagi o’zlarini qiziqtirgan savollarga mehmonlar tomonidan javob oldilar. Ulug’ alloma va ajdodlarimiz haqida ham kino, seriallar olinishi kerakligi haqidagi takliflar rejissorlar tomonidan o’rganib chiqilishi aytildi.

Talabalar ushbu uchrashuvda o’zlarining hayot yo’llarida kerak bo’ladigan maslahatlarni olishdi.

Uchrashuv yakunida mehmonlar talabalarning ilmiy faoliyatlariga muvafaqqiyatlar tiladi va “Bir kunlik to’y”kino filmi premyerasi namoyish etildi.