San'at inson uchun zavq-shavq manbayi, uning hayotiga estetik zavq baxsh etadi.

Bugun,14-dekabr kuni Andijon davlat universitetining katta majlislar zalida San'atshunoslik fakultetining iqtidorli talabalari ishtirokida “San'atim saodatimdir”deb nomlangan konsert dasturi bo`lib o’tdi.

Ushbu konsert dasturida universitetimizning professor-o’qituvchilari, soha vakillari hamda talaba-yoshlar ishtirok etdilar.

Orkestr musiqiy ta'lim kafedrasining katta o'qituvchisi M.Ergashev dirijorligi ostida jahon va o'zbek xalqlarining asrlar davomida o'lmas va eng sara asarlarini mahorat bilan ijro etdi.

Konsert dasturini boshlanishida “Yangi Toshkent” kuyi bilan barchaning e'tiborini tortgan ansambl tadbir so'nggiga qadar tomoshabinlarga yuqori kayfiyat ulashdi.

Konsert yakunida barcha ishtirokchilar faxriy yorliqlar va esdalik sovg`alari bilan taqdirlandi.