2021-yil 7-dekabr kuni Andijon davlat universiteti tarix fakulteti talabalari va AQShning Indiana, Michigan  universiteti talaba hamda aspirantlari ZOOM dasturi orqali buyuk ajdodimiz Zahiriddin Muhammad Bobur hayoti va ijodi haqida navbatdagi uchrashuv muloqoti bo’lib o’tdi. 

Uchrashuvni hozirda AQShning Shimoliy Djorjiya universitetida malaka oshirayotgan tarix fakulteti dekani R.Shamsutdinovning tashabbusi bilan tashkil qilindi. 

Vebinarni Indiana universitetining katta o‘qituvchisi, o‘zbek tili bo‘yicha mutaxassis Malik Xadjayev olib bordi. Amerikalik talaba va aspirantlar Mett Xulsteyn, Albert Kavallaro, Jek Suzuka, Kezi Edgarianlar o‘zbek tilida o‘zlarini qiziqtirgan mavzular bo‘yicha biz bilan savol-javob olib bordi. Ulug‘ shoh va shoir Boburning hayoti, uning Hindiston zaminiga yurishlari hamda adabiy merosi haqida o‘z mulohazalarimizni almashdik. Uchrashuv boshdan oxirigacha juda qizg‘in bo‘lib o‘tdi. Amerikalik talabalar o‘zbek tilida ravon suhbat qilishlari bizni quvontirdi va hayratga soldi. 

Ular, asosan, o‘zbek xalqining Boburga bo‘lgan munosabati, uning xotirasini abadiylashtirish maqsadida bunyod etilgan inshootlar, haykallar, maskanlar haqida, bundan tashqari, universitetda tarix fakulteti talabalarining o‘qish jarayonlari bilan qiziqdi. Biz esa Amerikada tarix fanining o‘qish jarayonlari, AQSh talabalari orasida o‘zbek tilini ahamiyati va ularning kelajakdagi rejalari kabi bir necha mavzularda suhbatlashdik. Amerikalik talabalar o‘zbek tilida biz esa ingliz tilida suhbat olib bordik. Amerkalik talabalarni o‘zbek tilida ravon, xuddi o‘z ona tilidek so‘zlashlari o‘zbek tilini butun dunyoda qanday e’tibor berilayotganligini o‘z ko‘zimiz bilan ko‘rdik va benihoyat quvondik.

Kelgusida bunday uchrashuvlarni ko‘prok o‘tkazishga kelishib oldik.