Andijon davlat universitetiga 2022 yil uchun tayanch doktorantura va doktorantura uchun ajratilgan qabul kvotasi

Eslatma: O‘zR VM huzuridagi Ta’lim sifatini nazorat qilish davlat inspeksiyasining Andijon davlat universitetida Oliy ta’limdan keyingi ta’lim institutining attestatsiyasi xulosasiga ko‘ra (“Davlat akkreditatsiyasi haqidagi” 2021 yil 4 avgustdagi 39-sonli sertifikati) 4 ta ixtisoslik - 01.04.10 – “Yarimo‘tkazgichlar fizikasi”, 03.00.01- “Biokimyo”, 08.00.13 – “Menejment”, 10.00.06 – “Qiyosiy adabiyotshunoslik,  chog‘ishtirma tilshunoslik va  tarjimashunoslik” bo‘yicha tayanch doktorantura ixtisosliklari va 10.00.07 – “Adabiyot nazariyasi” va 07.00.01 – “O‘zbekiston tarixi” doktorantura ixtisosliklari attestatsiyadan o‘tmaganligi uchun ushbu yo‘nalishlarga ajratilgan kvota Oliy va o‘rta maxsus ta’lim vazirligi tomonidan attestatsiyadan o‘tgan ixtisosliklarga qayta taqsimlandi.

Doktoranturaga hujjatlar 2021 yilning 15 sentabrdan 15 oktabrgacha http://phd.mininnovation.uz   saytida elektron ro‘yxatdan o‘tkazish orqali qabul qilinadi.

Tayanch doktorantura kirish imtihonlari va doktorantura uchun suhbat 2021 yilning 1-25 noyabr davrida bo‘lib o‘tadi.

Tayanch doktoranturaga kiruvchilar quyidagi fanlardan imtihon topshiradilar:

• chet tili (ta’limning oldingi darajalarida o‘rganilgan xorijiy til);

Tayanch doktorantura (PhD)ga kiruvchi nomzodlar quyidagi hujjatlarni taqdim etadilar:

• ariza;
• qisqacha biografik ma’lumotnoma;
• mehnat daftarchasining belgilangan tartibda tasdiqlangan nus’hasi;
• oliy ta’lim muassasasi magistrlik diplomi, oliy ma’lumot (mutaxassislik dasturlari bo‘yicha) to‘g‘risidagi diplom nusxasi;
• nashr etilgan ilmiy ishlar ro‘yhati va ularning nusxalari;
• O‘zbekiston Respublikasi Prezidenti Davlat stipendiyasi sohiblari uchun tegishli hujjat nusxasi

Tayanch doktoranturada o‘qish uchun talabgorlarda IELTS (o‘rtacha bali kamida 5.5), TOEFL (PBT) (56,7 baldan kam bo‘lmagan), TOEFL (IBT) (87 baldan kam bo‘lmagan),  CEFR (B2 darajadan past bo‘lmagan) bo‘yicha tasdiqlovchi amaldagi xalqaro malaka sertifikatlari mavjud bo‘lganda chet tilidan topshiriladigan imtihonlardan ozod etiladi.

Doktorantura (DSc)ga kiruvchi nomzodlar quyidagi hujjatlarni taqdim etadilar:

• ariza;
• qisqacha biografik ma’lumotnoma;
• mehnat daftarchasining belgilangan tartibda tasdiqlangan nus’hasi;
• oliy ma’lumot, fan nomzodi yoxud falsafa doktori (PhD) yoki xorijiy davlatlarda unga tenglashtirilgan ilmiy darajaga ega bo‘lganligi to‘g‘risidagi diplom nusxasi;
• tadqiqot mavzusi bo‘yicha ilmiy ma’ruza va fan doktori (Dsc) ilmiy darajasini olish uchun tayyorlangan doktorlik dissertatsiyasi rejasining mufassal loyihasi
• nashr etilgan ilmiy ishlar ro‘yhati va ularning nusxalari;

Imtihonlar 1-25 noyabr kunlari oralig‘ida o‘tkaziladi.

Izoh:

Elektron ro‘yxatdan o‘tkazilgan hujjatlar Ilmiy tadqiqotlar, innovatsiyalar va ilmiy pedagogik kadrlar tayyorlash bo‘limiga topshiriladi.

Ma’lumot uchun tel: (0374) 223-83-63