Joriy yilning 6-sentabr kuni O'zbekiston Respublikasi Adliya vazirligining Intellektual mulk agentligi vakillari tomonidan Z.M.Bobur nomidagi Andijon davlat universitetida “Patent bazalaridan foydalanish” mavzusida seminar o‘tkazildi.

Seminarda Andijon davlat universitetining professor-o‘qituvchilari va yosh olimlari seminarda ishtirok etdilar.

Tadbir davomida O‘zbekiston Respublikasi Adliya vazirligining Intellektual mulk agentligi vakillari Rahmonov Sunnatulla va Abdujalil O‘rinboyevlar tomonidan “Ixtiro va foydali modelga talabnoma tuzish”, “Patent bazalaridan foydalanish” to‘g‘risida ma’ruza qilindi.

Shuningdek seminar qatnashchilari o‘zlarining intellektual mulk sohasiga oid savollariga javoblar olishdi.

Seminar yakunida olingan bilimlarni mustahkamlash uchun barcha ishtirokchilarga intellektual mulk to‘g‘risidagi axborotlarni o‘z ichiga olgan buklet va materiallar topshirildi.