Joriy yilning 16-avgust kuni Oliy va o‘rta maxsus ta'lim vazirining 1-o‘rinbosari Karimov Komiljon Hamidovich yangi o’quv yiliga tayyorgarlik jarayonlarini nazorat qilish maqsadida Andijon davlat universiteti hamda Andijon davlat universitetning pedagogika institutiga tashrif buyurdi.

Tashrif davomida universitetning barcha prorektorlari, dekanlar hamda bo’lim boshliqlari bilan uchrashuv o'tkazdi. Uchrashuv chog’ida 2021-2022-o‘quv yiliga tayyorgarlik jarayonlari yuzasidan topshiriqlar berib ushbu o’quv yili o’zgacha boshlanishi haqida aytib o’tdi.

Shuningdek oliy ta’limni “Korrupsiyasiz soha”ga aylantirish, bu borada barcha pedagoglar, professor o'qituvchilardan mas’uliyatli yondashish kerak ekanligi to’g’risida ko’rsatmalar berib o’tdi.