30-iyun kuni Toshkent shahrida "O‘zbekiston yoshlari va talabalari forumi" doirasida o‘tkazilgan oliy ta'lim muassasalari talabalari o‘rtasidagi "Nima? Qayerda? Qachon?" intellektual turnirining final bosqichi bo‘lib o‘tdi va unda Andijon viloyati delegatsiyasi tarkibida ishtirok etgan Andijon davlat universitetining "Universal" jamoasi 100 ortiq oliy ta'lim muassasalari o‘rtasida faxrli 1-o‘rinni egalladi.

Nima? Qayerda? Qachon? Turniri final o‘yinida, hududiy va yarim final bosqichilarida g‘oliblikni qo‘lga kiritib final bosqichiga yo‘l olgan eng kuchli 7 ta OTM jamoalari, Qoraqalpog‘iston respublikasi, Andijon, Farg‘ona, Namangan, Toshkent, Buxoro va Xorazm viloyatlari nomidan ishtirok etishdi.

Final o‘yini yakuniga ko‘ra g‘olib jamoalar:
1-o‘rin: Andijon viloyati — 19 ochko
2-o‘rin: Farg‘ona viloyati — 11 ochko
3-o‘rin: Xorazm viloyati — ochko

Ushbu muvaffaqiyat bilan "Universal" jamoasining barcha a'zolarini tabriklaymiz.